உதவி பேராசிரியர் தகுதித் தேர்வாக ஆசிரியர் தேர்வு வாரியம் மூலம் நடத்தப்பட்ட செட் தேர்வு முடிவுகள் அதிகாரப்பூர்வமாக வெளியாகியுள்ளது. தேர்வர்கள் https://trb.tn.gov.in/ என்ற இணையதளத்தில் தேர்வு முடிவுகளை அறிந்துகொள்ளலாம்.
ஆசிரியர் தேர்வு வாரியம் மூலம் உதவி பேராசிரியர் தகுதித் தேர்வாக தமிழ்நாட்டில் கடந்த மார்ச் மாதம் நடைபெற்ற செட் தேர்வு முடிவுகள் (TN SET Result) வெளியாகியுள்ளது. மொத்தம் 43 பாடங்களுக்கான தேர்வு முடிவுகள், இறுதி விடைக்குறிப்பு, பாடவாரியாக கட்-ஆஃப் மதிப்பெண்கள், தகுதிப் பெற்றவர்களுக்கான சான்றிதழ் ஆகியவை வெளியாகியுள்ளது. தேர்வர்கள் https://trb.tn.gov.in/ என்ற இணையதளத்தில் பதிவு எண் மற்றும் பிறந்த தேதி உள்ளிட்டு முடிவுகளை அறிந்துகொள்ளலாம்.
தமிழ்நாடு செட் 2025 முடிவுகளை அறிந்துகொள்ளுவது எப்படி?
படி 1 : மேல் குறிப்பிட்டுள்ள இணையதளத்திற்கு செல்லவும்.
படி 2 : முகப்பு பக்கத்தில் What's New’ என்பதில் TNSET Result 2025 என இருப்பதை கிளிக் செய்யவும்.
படி 3 : அல்லது Notification கிளிக் செய்து அதில் SET 2024 (01/2024) என்பதில் View கொடுக்கவும். அதில் முடிவுகளுக்கான பதிவு இடம்பெற்று இருக்கும். அதனை கிளிக் செய்யவும்.
படி 4 : அதில் செட் தேர்வு விடைத்தாள், இறுதி விடைக்குறிப்பு, கட்-ஆஃப் மதிப்பெண், மதிப்பெண்களை அறிந்துகொள்வது, சான்றிதழ் பதிவிறக்கம் மற்றும் தகுதி பெற்றவர்கள் பட்டியல் ஆகியவை இடம்பெற்று இருக்கும்.
படி 5 : அதில் ”Click here the link to download the Candidate Score Card” என்பதை கிளிக் செய்யவும்.
படி 6 : ஒரு பக்கம் திறக்கும். அதில் பதிவு எண் மற்றும் பிறந்த தேதி உள்ளிட்டு Submit கொடுத்து உள்நுழைய வேண்டும்.
படி 7 : அதில் தேர்வர்கள் அவர்களின் மதிப்பெண்களை அறிந்துகொள்ளலாம். மேலும் அதனை பதிவிறக்கம் செய்துகொள்ளலாம்.
படி 8 : தகுதிப் பெற்றவர்கள் “Click here the link to download the certificate” என்பதில் சான்றிதழை பதிவிறக்கம் செய்துகொள்ளலாம்.
விண்ணப்பதார்கள் அவர்களின் லாங்கின் வழியாக Dashboard மூலமும் முடிவுகளை அறிந்துகொள்ளலாம். மேலும் 43 பாட வாரியாக தகுதிப் பெற்றவர்களின் பதிவு எண் பட்டியல் PDF வடிவில் வெளியிடப்பட்டுள்ளது.
தமிழ்நாடு செட் தேர்வு 2024 மற்றும் 2025
கல்லூரி அல்லது பல்கலைக்கழகங்களில் உதவி பேராசிரியராக பணிபுரிய தேசிய அளவில் நடத்தப்படும் யுஜிசி-நெட் அல்லது மாநில அளவில் நடத்தப்படும் செட் தேர்வில் தேர்ச்சி பெற்று இருக்க வேண்டும். இந்நிலையில், 2024-ம் ஆண்டில் தமிழ்நாட்டில் செட் தேர்வு மனோன்மணியம் பல்கலைக்கழகம் நடத்தவிருந்தது. அதன்படி மொத்தம் 43 பாடங்களுக்கு 99,178 பேர் விண்ணப்பித்திருந்தனர். பின்னர் ஆசிரியர் தேர்வு வாரியம் (டிஆர்பி) மூலம் நடத்த அரசாணை வெளியிடப்பட்டது. தொடர்ந்து, 2025-ம் ஆண்டு மார்ச் 6 முதல் 9 வரை தேர்வு நடத்தப்பட்டது. இத்தேர்வை மொத்தம் 76,150 பேர் எழுதினர்.
மார்ச் மாதமே வெளியான உத்தேச ஆன்சர் கீ
நடந்து முடிந்த செட் தேர்வின் உத்தேச ஆன்சர் கீ மார்ச் 20-ம் தேதி வெளியாகி ஆட்சேபனை பெறப்பட்டது. தொடர்ந்து முடிவுகள் வெளியாகும் என எதிர்பார்த்த நிலையில், நீதிமன்ற வழக்குகளின் காரணத்தினால் கால தாமதம் ஏற்பட்டது. சமீபத்தில் நீதிமன்ற உத்தரவின் அடிப்படையில், தமிழ் வழியில் கல்வி பயின்றதற்கான முன்னுரிமை கோருபவர்களுக்கு அதற்கான சான்றிதழ் பதிவேற்றம் செய்ய அவகாசம் அளிக்கப்பட்டது.
முடிவுகள் வெளியீடு
பல்கலைக்கழக மானியக் குழுவினால் வழங்கப்பட்டுள்ள வழிகாட்டு நெறிமுறைகளின்படி மதிப்பெண் மற்றும் இனச்சுழற்சி விதிமுறைகளை பின்பற்றியும், உயர்கல்வித்துறை அரசாணை எண்.163-ன்படி, பெண்கள், மாற்றுத்திறனாளிகள் மற்றும் தமிழ் வழியில் கல்வி பயின்றவர்களுக்கான இடஒதுகீட்டினை பின்பற்றியும் தமிழ்நாடு மாநில தகுதித் தேர்வு 2024இல் தகுதி பெற்றுள்ளவர்களின் (TNSET 2024 List) பட்டியல் வெளியிடப்பட்டுள்ளது.
விரைவில் 4000 உதவிப் பேராசிரியர் தேர்வு
தற்போது செட் தேர்வு முடிவுகள் வெளியிடப்பட்ட நிலையில், அரசு கல்லூரிகளில் காலியாக உள்ள 4,000 உதவிப் பேராசிரியர் பதவிக்கு நிறுத்தி வைக்கப்பட்டுள்ள போட்டித் தேர்வும் விரைவில் நடைபெறும் என எதிர்பார்க்கப்படுகிறது.
No comments:
Post a Comment
குறிப்பு:
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குயிலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விக்குயில்.