75% பயணத்தை நிறைவு செய்தது "மங்கள்யான்'

செவ்வாய்க் கிரகத்தில் ஆய்வு மேற்கொள்ள இந்தியா சார்பில் அனுப்பப்பட்ட மங்கள்யான் விண்கலம் அதன் 75 சதவீத பயணத்தை நிறைவு செய்துள்ளதாக இஸ்ரோ தெரிவித்துள்ளது. கடந்த நவம்பர் 5ஆம் தேதி விண்ணில் ஏவப்பட்ட இந்த விண்கலமானது 300 நாள்களில் இதுவரை 510 மில்லியன் கி.மீ தூரம் பயணித்துள்ளது. இந்த விண்கலத்தை அதன் புவி வட்டப்பாதையில் சீராகச் செல்ல வைக்கும் விதமாக, கடந்த மாதம் 11ஆம் தேதி சில மேம்பாட்டுப் பணிகள் செய்யப்பட்டன. அடுத்த கட்டப் பணிகள் ஆகஸ்ட் மாதத்தில் மேற்கொள்ளப்பட உள்ளன. செப்டம்பர் மாதம் 24ஆம் தேதி இந்த விண்கலமானது செவ்வாய்க் கிரகத்தை சென்றடையும் என எதிர்பார்க்கபடுகிறது.