எட்டாம் வகுப்பு பொதுத் தேர்வு: இணையத்தில் தேர்வுக் கூட நுழைவு சீட்டு.

எட்டாம் வகுப்பு பொதுத் தேர்வு எழுதவுள்ள தனித்தேர்வர்கள் தேர்வுக் கூட நுழைவுச் சீட்டை (ஹால் டிக்கெட்) இணையதளம் மூலம் பதிவிறக்கம் செய்து கொள்ளலாம். இந்தத் தேர்வு ஏப்ரல் 18-ஆம் தேதி தொடங்குகிறது. தேர்வுக்காக அரசுத் தேர்வுகளின் சேவை மையங்களில் ஆன்லைன் மூலமாக விண்ணப்பித்த தனித்தேர்வர்கள் www.tndge.in என்ற இணையதளத்தில், தங்களது விண்ணப்ப எண், பிறந்த தேதியை பதிவு செய்து ஹால் டிக்கெட் பதிவிறக்கம் செய்து கொள்ளலாம். விண்ணப்பித்தோருக்கு தனிப்பட்ட முறையில் அறிவிப்பு ஏதும் அனுப்ப இயலாது என்று தேர்வுத் துறை செய்திக்குறிப்பில் தெரிவிக்கப்பட்டுள்ளது.