இன்ஜி., கடந்த ஆண்டு 'கட் ஆப்' வெளியீடு.

அண்ணா பல்கலை இணைப்பிலுள்ள, 550க்கும் மேற்பட்ட இன்ஜி., கல்லுாரிகளில், வரும் கல்வி ஆண்டில், பி.இ., - பி.டெக்., படிப்பில் சேர, 

ஒற்றை சாளர கவுன்சிலிங் நடத்தப்படுகிறது. இதற்கான, 'ஆன்லைன்' விண்ணப்ப பதிவு, மே, 1ல் துவங்கியது; வரும், 31ல் முடிகிறது. இந்நிலையில், பிளஸ் 2 தேர்வு முடிவுகள் வெளியாகியுள்ளதால், 'கட் ஆப்' குறித்து, மாணவர்களிடையே குழப்பம் ஏற்பட்டுள்ளது. அதை நீக்கும் வகையில், கடந்த ஆண்டு எந்த கல்லுாரியில், எவ்வளவு, 'கட் ஆப்' மதிப்பெண்ணில், மாணவர் சேர்க்கை நடந்தது என்ற விபரம் வெளியிடப்பட்டுள்ளது. மாணவர்கள், தாங்கள் விரும்பும் கல்லுாரிகளின் கடந்த ஆண்டு, 'கட் ஆப்' மதிப்பெண்ணை, cutoff.tnea.ac.in அல்லது www.tnea.ac.in இணையதளங்களில் அறியலாம். நேற்று வரை, கவுன்சிலிங்கில் பங்கேற்க, 1.20 லட்சத்துக்கும் மேலான விண்ணப்பங்கள் பதிவு செய்யப்பட்டுள்ளன.