பள்ளி கல்வித்துறை இயக்குனர்கள், இடமாற்றம்

தமிழக பள்ளி கல்வித் துறை இயக்குனர்கள், இடமாற்றம் செய்யப்பட்டுள்ளனர்.அரசு தேர்வுகள் இயக்கக இயக்குனராக பணிபுரிந்த வசுந்தராதேவி, மார்ச், 31ல் ஓய்வு பெற்றார். அவருக்கு மூன்று மாதம் பணி

நீட்டிப்பு வழங்கப்பட்டது. பணி நீட்டிப்பு, இன்றுடன் நிறைவு பெறுகிறது. எனவே, மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் உஷாராணி, அரசு தேர்வுகள் இயக்ககத்தின் இயக்குனராக நியமிக்கப்பட்டுள்ளார்.தமிழ்நாடு பாடநுால் மற்றும் கல்வியியல் பணிகள் கழகம் செயலர் பழனிசாமி, மாநில கல்வியியல் ஆராய்ச்சி மற்றும் பயிற்சி நிறுவன இயக்குனராக நியமிக்கப்பட்டு உள்ளார். பள்ளிசாரா மற்றும் வயது வந்தோர் கல்வி இயக்ககத்தின் இயக்குனர் லதா, தமிழ்நாடு பாடநுால் மற்றும் கல்வியியல் பணிகள் கழகம் செயலராக நியமிக்கப்பட்டுள்ளார்.அரசு தேர்வுகள் துறை இணை இயக்குனர், சேதுராமவர்மாவுக்கு, இயக்குனராக, தற்காலிக பதவி உயர்வு வழங்கப்பட்டு, பள்ளி சாரா மற்றும் வயது வந்தோர் கல்வி இயக்குனராக நியமிக்கப்பட்டுள்ளார்.இதற்கான உத்தரவை, பள்ளி கல்வித்துறை செயலர், பிரதீப் யாதவ் பிறப்பித்து உள்ளார்.