தமிழக அளவில் இளம் பல்கலைக்கழக தரவரிசையில் காரைக்குடி அழகப்பா பல்கலைக்கழகம் முதலிடம் பெற்றது.
லன்டன் டைம்ஸ் உயர்கல்வி நிறுவனம் 2023ம் ஆண்டுக்கான இளம் பல்கலைக்கழக தரவரிசைப் பட்டியலை ஜூலை 3-ம் தேதி வெளியிட்டது. இதில் கடந்த 1972-ம் ஆண்டு முதல் நிறுவப்பட்ட இளம் கல்வி நிறுவனங்கள் எடுத்துக் கொள்ளப்பட்டன. அதன்படி 963 கல்வி நிறுவனங்கள் பங்கேற்றன. கடந்த 2022-ம் ஆண்டு தரவுகள் அடிப்படையில் கற்பித்தல், ஆராய்ச்சி, அறிவு பரிமாற்றம், சர்வதேச கண்ணோட்டம், தொழில்துறை வருமானம் ஆகிய 5 பிரிவுகளில் கல்வி நிறுவனங்களின் செயல்திறன் மதிப்பீடு செய்யப்பட்டன.
இதில் காரைக்குடி அழகப்பா பல்கலைக்கழகம் உலக அளவில் 101-150-வது இடத்தை பெற்றது. உயர்க் கல்வி நிறுவனங்களில் இந்திய அளவில் 4-வது இடம், தமிழக அளவில் முதலிடம் பெற்றது. தரவுகளை சிறப்பாக சமர்ப்பித்த பல்கலைக்கழக தரவரிசைப் பிரிவின் இயக்குநர் ஜெ.ஜெயகாந்தன் தலைமையிலான குழவினர் மற்றும் பேராசிரியர்கள், அலுவலர்கள், ஆராய்ச்சி மாணவர்கள், முதுகலை மாணவர்களை துணைவேந்தர் க. ரவி பாராட்டினார்.
மேலும் ஏற்கனவே இப்பல்கலை.,-க்கு தேசிய தர நிர்ணய குழு (நாக்) ‘ஏ பிளஸ்’ அங்கீகாரம் வழங்கியது. தேசிய மனித வளத்துறை தரிவரிசையில் 30-வது இடம், உலக தரவரிசையில் உலக அளவில் 401-500-வது இடம், டைம்ஸ் நிறுவ தரவரிசையில் ஆசிய அளவில் 111-வது இடம், கியு.எஸ். நிறுவன தரிவரிசையில் ஆசிய அளவில் 251-260-வது இடம், தெற்காசிய அளவில் 51-வது இடம் பெற்றது குறிப்பிடத்தக்கது.
No comments:
Post a Comment
குறிப்பு:
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குயிலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விக்குயில்.