தமிழக பள்ளிக்கல்வி பாடத்திட்டத்தில் நடப்பாண்டு பிளஸ் 1 வகுப்புக்கான பொதுத்தேர்வு மார்ச் 4-ம் தேதி தொடங்கி நடைபெற்று வருகிறது. இந்த தேர்வை சுமார் 8 லட்சம் மாணவர்கள் எழுதுகின்றனர். பிளஸ் 1 பொதுத் தேர்வு நாளையுடன் (மார்ச் 25) நிறைவு பெறுகிறது.
இறுதி நாளில் கணிதம், விலங்கியல், வணிகவியல் உள்ளிட்ட பாடங்களுக்கான தேர்வுகள் நடைபெற உள்ளன. இதையடுத்து விடைத்தாள் திருத்தும் பணி ஏப்.6-ம் தேதி தொடங்கவுள்ளது.
இதுகுறித்து தேர்வுத்துறை அதிகாரிகள் கூறியதாவது: பொதுத் தேர்வு முடிந்ததும் மார்ச் 30-ம் தேதி முதல் மாணவர்களின் விடைத்தாள்கள் 101 மண்டல சேகரிப்பு மையங்களுக்கு எடுத்துச் செல்லப்படும். அங்கிருந்து திருத்துதல் மையங்களுக்கு விடைத்தாள்கள் ஏப்.4-ம் தேதி முதல் அனுப்பிவைக்கப்படும். தொடர்ந்து ஏப்.6முதல் 25-ம் தேதி வரை திருத்துதல்பணிகள் நடைபெற உள்ளன. முதலில் அரியர் மாணவர்களுக்கான விடைத்தாள்கள் ஏப்.6 முதல் 13-ம் தேதிக்குள் திருத்தி முடிக்கப்படும்.
அதன்பின் ரெகுலர் மாணவர்களுக்கான விடைத்தாள்கள் திருத்துதல் ஏப்.15 முதல் 25-ம் தேதி வரை மேற்கொள்ளப்படும். இதற்காக தமிழகம் முழுவதும் 83 முகாம்கள் அமைக்கப்பட்டுள்ளன.
விடைத்தாள் திருத்தும் பணிகளில் சுமார் 46 ஆயிரம் முதுநிலைபட்டதாரி ஆசிரியர்கள் ஈடுபடுத்தப்பட உள்ளனர். தொடர்ந்து மதிப்பெண் பதிவேற்றம் உள்ளிட்ட பணிகளை முடித்து திட்டமிட்டபடி தேர்வுமுடிவுகள் மே 14-ல் வெளியிடப் படும். இவ்வாறு அவர்கள் கூறினர்.
No comments:
Post a Comment
குறிப்பு:
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குயிலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விக்குயில்.