அண்ணாமலை பல்கலையில் 1,421 பேர் இடமாற்றம்.

அண்ணாமலை பல்கலையின், ஆசிரியர்கள், ஊழியர்கள் உள்ளிட்ட, 1,421 பேர்,

வேறு கல்லுாரிகளுக்கு மாற்றப்பட்டு உள்ளனர்.சிதம்பரம் அண்ணாமலை அரசு பல்கலை யில், நிதி பற்றாக்குறை இருப்பதால், உபரியாக இருக்கும் ஆசிரியர்களும், ஊழியர்களும், மற்ற பல்கலை மற்றும் கல்லுாரிகளுக்கு மாற்றப்படுகின்றனர்.முதல்கட்டமாக, 2016 பிப்ரவரியில், 369 உதவி பேராசிரியர்களும், இரண்டாம் கட்டமாக, மே, 11ல், அலுவலகஉதவியாளர்கள், இளநிலை உதவியாளர்கள், காவலர் கள் என, 257 பேரும், மே, 12ல், 69 பேரும் இடமாற்றம் செய்யப்பட்டனர். மூன்றாம் கட்டமாக, நேற்று முன்தினம் ஒரே நாளில், 512 ஆசிரியர்கள், 909 ஊழியர்கள் என, 1,421 பேர் இடம் மாற்றப்பட்டுள்ளனர். அவர்கள், சென்னை, மதுரை, ராமநாதபுரம், நெல்லை, சேலம், ஓசூர் உள்ளிட்ட அரசு அலுவலகங்கள் மற்றும் அரசு கல்லுாரிகளில் நியமிக்கப்பட்டுள்ளனர். இதுவரை, 881 ஆசிரியர்கள் உட்பட, 2,119 பேருக்கு இடமாறுதல் வழங்கப்பட்டுள்ளது. இன்னும், 3,000 பேர், இடமாறுதல் பட்டியலில் உள்ளனர்.