பள்ளிப் பாடத்தில் காமராஜர் வரலாறு; சிறந்த பள்ளிகளுக்கு காமராஜர் பெயரில் விருது: செங்கோட்டையன் தகவல்.

தமிழகத்தில் சிறப்பாக செயல்படும் பள்ளிகளை தேர்வு செய்து பெருந்தலைவர் காமராஜர் பெயரில் விருது வழங்கப்படும் என்று பள்ளிக் கல்வித் துறை அமைச்சர் செங்கோட்டையன் தெரிவித்தார். தமிழக சட்டப்பேரவையில் இன்று, ராதாபுரம் எம்எல்ஏ இன்பதுரையின் கேள்விக்கு அமைச்சர் செங்கோட்டையன் பதில் அளித்தார். அப்போது, காமராஜர் வாழ்க்கை வலாற்றை பள்ளிப் பாடத்திட்டத்தில் சேர்க்க திட்டமிடப்பட்டுள்ளது. அதே போல, தமிழகத்தில் சிறப்பாக செயல்படும் சிறந்த பள்ளிகளுக்கு, பெருந்தலைவர் காமராஜர் பெயரில் விருதுகள் வழங்கவும் திட்டம் உள்ளது. இது குறித்து முதல்வருடன் ஆலோசித்து விரைவில் அறிவிக்கப்படும் என்று கூறினார்.