பள்ளிகளில் இனி வாரத்தில் 3 நாட்கள் உடற்கல்வி வகுப்புகள் கட்டாயம் என பள்ளிக்கல்வித்துறை அமைச்சர் ராஜ்மோகன் தெரிவித்துள்ளார்.
முதன்மை கல்வி அதிகாரிகள் மற்றும் மாவட்ட கல்வி அதிகாரிகளின் ஆலோசனைக் கூட்டம்அமைச்சர் தலைமையில் சென்னையில் நேற்று நடைபெற்றது. இதில், பள்ளிக்கல்வித் துறை செயலர் ஜெ.இன்னசென்ட் திவ்யா, இயக்குநர் (பொறுப்பு) ந.லதா, தொடக்கக் கல்வி இயக்குநர் பி.ஏ.நரேஷ், அரசுத்தேர்வுகள் இயக்குநர் சுகன்யா மற்றும் இணை இயக்குநர்கள் கலந்து கொண்டனர்.இதில், பள்ளி மாணவர்களுக்கான திருத்தப்பட்ட புதிய கால அட்டவணையை அமைச்சர் வெளியிட்டார்.
பின்னர் அமைச்சர் கூறிய தாவது: பள்ளி மாணவர்களுக்கு உடற்கல்வி மற்றும் கல்வி இணை செயல்பாடுகளுக்கு முக்கியத்துவம் அளிக்கும் வகையில் புதிய கால அட்டவணை வெளியிடப்பட்டுள்ளது. பள்ளிகளில் ஒன்றாம் வகுப்பு முதல் 10-ம் வகுப்பு வரை வாரத்தில் 3 நாட்கள் உடற்கல்வி வகுப்புகள் நடத்தப்படும். 2 நாட்கள் கல்வி இணை செயல்பாடு வகுப்புகள் நடத்தப்படும்.
அதேபோல் பிளஸ் 1 மற்றும் பிளஸ் 2 வகுப்பு மாணவர்களுக்கு வாரத்தில் 2 நாட்கள் உடற்கல்வி வகுப்புகளும், 2 நாட்கள் கல்வி இணை செயல்பாடு வகுப்புகளும் நடத்தப்படும். ஆசிரியர்கள் தேவைப்பட்டால் கல்வி இணை செயல்பாடு வகுப்புகளை உடற்கல்வி வகுப்புக்கு பயன்படுத்திக்கொள்ளலாம். உடற்கல்வி வகுப்புகளைக் காட்டாயமாக ஒதுக்க வேண்டும்.
சாதி, மதம், நிறம், விளையாட்டு திறன், உயரம், குள்ளம் என எதற்காகவும், எந்தக் குழந்தையையும் விளையாட்டில் இருந்து ஒதுக்கி வைக்கக்கூடாது. மாணவர்கள் உடற்கல்வி வகுப்புக்குச் செல்ல ஆசிரியர்கள் ஊக்குவிக்க வேண்டும். மைதானங்கள் இல்லாத பள்ளிகளுக்கு அதற்கான வசதிகள் ஏற்படுத்தித் தரப்படும்.
அரசு பள்ளிகளில் 6,000 உடற்கல்வி ஆசிரியர் பணியிடங்கள் உள்ளன. அதில் 2,000 பணியிடங்கள் மட்டுமே நிரப்பப்பட்டுள்ளன. இந்த காலிப்பணியிடங்கள் ஆசிரியர் தேர்வு வாரியம் மூலம் விரைவாக நிரப்பப்படும். இதுதொடர்பான அறிவிப்பு விரைவில் வெளியிடப்படும். இவ்வாறு அமைச்சர் கூறினார்.
No comments:
Post a Comment
குறிப்பு:
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குயிலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விக்குயில்.