தினக்கூலியாக பணியாற்றிய காலத்தை ஓய்வூதிய கணக்கில் சேர்க்க வேண்டும்:ஐகோர்ட் உத்தரவு

தருமபுரி மாவட்ட வனத்துறையில் தினக்கூலியாக பணியாற்றியவர்

சின்னய்யன். இவர் 30 ஆண்டு களாக தினக்கூலி அடிப்படையில் வனத்துறையில் பணியாற்றியுள்ளார். இதையடுத்து, 2003 அக்டோபர் 20ல் இவர் நிரந்தர பணியாளரானார். இந்நிலையில், கடந்த 2010 ஜூன் 30ல் சின்னய்யன் ஓய்வு பெற்றார். ஆனால், அவருக்கு ஓய்வூதியப் பலன்கள் வழங்கப்படவில்லை. சின்னையன் 10 ஆண்டுகள் மட்டுமே நிரந்தரப் பணியாளராக பணியாற்றியுள்ளார் என்றும் அதற்கு முன் அவர் தினக்கூலி அடிப்படையில் பணியாற்றியுள்ளார் என்றும் அதனால் அவர் ஓய்வூதியம் பெற தகுதியில்லாதவர் என்று மாவட்ட வனத்துறை அதிகாரி கூறியிருந்தார்.

இதையடுத்து, தனக்கு ஓய்வூதியம் வழங்கக்கோரி சின்னையன் உயர் நீதிமன்றத்தில் வழக்கு தொடர்ந் தார். இந்த வழக்கை விசாரித்த நீதிபதி அரிபரந்தாமன் அளித்த உத்தரவு வருமாறு: தினக்கூலி அடிப்படையில் 30 ஆண்டுகளுக்கும் மேல் பணியாற்றியவரை காலம கடந்து நிரந்தரம் செய்தது அவரது தவறு அல்ல. அதனால், அவர் தினக்கூலி அடிப்படையில் பணியாற்றிய காலத்தையும் கணக்கில் கொண்டே ஓய்வூதியம் வழங்க வேண்டும்.

எனவே, மனுதாரர் நிரந்தரம் செய்யப்படுவதற்கு முன்பு அவர் பணியாற்றிய காலத்தில் 50 சதவீதத்தை கணக்கில் கொண்டு அவருக்கு ஓய்வூதியம் வழங்க வேண்டும். மனுதாரரைப் போல் பிரச்னையில் உள்ள மற்ற துறையில் உள்ள பணியாளர்களும் ஓய்வூதியம் பெறத் தகுதியானவர்கள்.

இவ்வாறு உத்தரவில் கூறப்பட்டுள்ளது.