கடந்த ஆண்டை விட மருத்துவ கட்-ஆப் மார்க் 0.5 குறைகிறது: என்ஜினீயரிங் கட்-ஆப் 0.5 அதிகரிக்க வாய்ப்பு.

என்ஜினீயரிங் படிப்பில் சேர கடந்த 6-ந்தேதி முதல் விண்ணப்பங்கள்

கொடுக்கப்பட்டு வருகின்றன. அதுபோல, மருத்துவ படிப்பில் சேர வருகிற 11-ந்தேதி விண்ணப்ப படிவங்கள் கொடுக்கப்படுகிறது. சட்டக்கல்லூரியில் சேர இன்று (வெள்ளிக்கிழமை) முதல் விண்ணப்பம் விநியோகிக்கப்பட உள்ளது. கடந்த ஆண்டை விட இந்தாண்டு மருத்துவ படிப்புக்கு தேவையான உயிரியல் பாடத்தில் குறைந்த எண்ணிக்கையிலே மாணவ-மாணவிகள் 200-க்கு 200 எடுத்துள்ளனர். கடந்தாண்டு உயிரியல் தேர்வில் 652 பேர் 200-க்கு 200 எடுத்திருந்தனர். ஆனால் இந்தாண்டு 387 பேர் மட்டுமே 200-க்கு 200 எடுத்துள்ளனர். அதேபோல, வேதியியல் தேர்வில் இந்தாண்டு 1,049 பேர் 200-க்கு 200 எடுத்துள்ளனர். ஆனால் கடந்த ஆண்டு 1,693 பேர் 200-க்கு 200 எடுத்திருந்தனர். எனவே மருத்துவ படிப்பில் சேர்வதற்கான ‘கட்-ஆப்’ மார்க் கடந்த ஆண்டை விட 0.5 குறைய வாய்ப்புள்ளது. என்ஜினீயரிங் படிப்பில் சேர்வதற்கு கணிதம், இயற்பியல், வேதியியல் ஆகிய பாடங்களில் எடுத்த மதிப்பெண்கள் தேவை. இயற்பியல், வேதியியல் பாடங்களில் 200-க்கு 200 மார்க் எடுத்தவர்களின் எண்ணிக்கை குறைந்துள்ளது. ஆனால், கணித தேர்வில் 9,710 பேர் 200-க்கு 200 எடுத்துள்ளனர். ஆனால் கடந்த ஆண்டு 3,882 பேர் மட்டுமே 200-க்கு 200 எடுத்திருந்தனர். கணிதத்தில் அதிக பேர் நிறைய மதிப்பெண்கள் எடுத்திருக்கிறார்கள். எனவே என்ஜினீயரிங் ‘கட்-ஆப்’ 0.5 மட்டுமே அதிகரிக்க குறைய வாய்ப்புள்ளது. இந்த தகவலை கல்வியாளர் ஒருவர் தெரிவித்தார்.