நிபந்தனை வேண்டாம் ஆசிரியர் சங்கம் கோரிக்கை

'ஒரு இடத்தில், மூன்று ஆண்டுகள் பணிபுரிந்தவர்கள் மட்டுமே, பொது பணியிட

மாறுதல் கலந்தாய்வில் கலந்து கொள்ள முடியும் என்ற அரசாணையை ரத்து செய்ய வேண்டும்' என, தமிழ்நாடு உயர்நிலை, மேல்நிலைப் பள்ளி பட்டதாரி ஆசிரியர் கழகம் வலியுறுத்தியுள்ளது. சங்கத்தின் மாவட்ட அளவிலான ஆலோசனைக் கூட்டம், நேற்று, சேலத்தில் நடந்தது. இதில் நிறைவேற்றப்பட்ட தீர்மானங்கள் குறித்து, மாநில பொதுச் செயலர் கோவிந்தன் பேசியதாவது: ஆசிரியர் பொது மாறுதல் குறித்து வெளியிடப்பட்ட அரசாணையில், 'மூன்று ஆண்டுகள், ஒரே பள்ளியில் பணிபுரிந்திருந்தால் மட்டுமே, கலந்தாய்வில் கலந்து கொள்ள முடியும்' என, குறிப்பிடப்பட்டுள்ளது. இதனால், கடந்த ஆண்டுகளில், ஆசிரியர் தகுதி தேர்வு மூலம் பணியமர்த்தப்பட்டவர்கள், பணி நிரவல் மூலம் வேறு மாவட்டங்களுக்கு, கட்டாய மாறுதல் செய்யப்பட்டவர்கள், கலந்தாய்வில் கலந்து கொள்ள முடியாத நிலை ஏற்பட்டுள்ளது.மூன்று ஆண்டுகள் நிபந்தனையை நீக்கி, கடந்த ஆண்டில் இருந்தது போல், ஓராண்டு பணிபுரிந்தவர்கள், கலந்தாய்வில் பங்கேற்கும் வகையில், தமிழக அரசு உத்தரவிட வேண்டும்.இவ்வாறு, அவர் பேசினார்.