ஆசிரியர்களுக்கான பதவி உயர்வு, பணி மாறுதல் கலந்தாய்வு தேதி: பள்ளி கல்வி இயக்ககம் அறிவிப்பு.

ஆசிரியர்களுக்கான பதவி உயர்வு, பணி மாறுதல் கலந்தாய்வு விவரங்களை

பள்ளி கல்வி இயக்ககம் தெரிவித்துள்ளது. பள்ளிக்கல்வி இயக்குனர் ச.கண்ணப்பன் 2015-16 கல்வி ஆண்டுக்கான பொது பணி மாறுதல் மற்றும் பதவி உயர்வுக்கான கலந்தாய்வு அட்டவணையை வெளியிட்டுள்ளார். அதன் விவரம் வருமாறு:- தலைமை ஆசிரியர்கள், ஆசிரியர்கள் பொது மாறுதலுக்கான விண்ணப்பங்களை முதன்மை கல்வி அலுவலர் அலுவலகத்தில் வருகிற 7-ந்தேதி வரை சமர்ப்பிக்கலாம். அரசு, நகராட்சி மேல்நிலைப்பள்ளி தலைமை ஆசிரியர்கள் மாவட்டத்திற்குள் மாறுதல் மற்றும் மாவட்டம் விட்டு மாவட்டம் மாறுதலுக்கான கலந்தாய்வு 12-ந்தேதி நடைபெற உள்ளது. அரசு, நகராட்சி மேல்நிலைப்பள்ளி தலைமை ஆசிரியர்கள் பதவி உயர்வுக்கான கலந்தாய்வு 14-ந்தேதியும், அரசு, நகராட்சி உயர்நிலைப்பள்ளி தலைமை ஆசிரியர்கள் மாவட்டத்திற்குள் மாறுதல் மற்றும் மாவட்டம் விட்டு மாவட்டம் மாறுதலுக்கான கலந்தாய்வு 16-ந்தேதியும், அரசு, நகராட்சி உயர்நிலைப்பள்ளி தலைமை ஆசிரியர்கள் பதவி உயர்வுக்கான கலந்தாய்வு 18-ந்தேதியும் நடைபெற உள்ளது. அரசு, நகராட்சி மேல்நிலைப்பள்ளி முதுகலை ஆசிரியர்கள் மாவட்டத்திற்குள் மாறுதலுக்கான கலந்தாய்வு 22-ந்தேதியும், மாவட்டம் விட்டு மாவட்டம் மாறுதலுக்கான கலந்தாய்வு 23-ந்தேதியும், முதுகலை ஆசிரியர்கள் பதவி உயர்வுக்கான கலந்தாய்வு 24-ந்தேதியும் நடைபெற உள்ளது. முதுகலை ஆசிரியர்கள் நேரடி நியமனம் (55 பேர் மட்டும்) 24-ந்தேதி நடைபெற உள்ளது. உடற்கல்வி ஆசிரியர்கள், கலை ஆசிரியர்கள், இசை ஆசிரியர்கள், தையல் ஆசிரியர்கள், இடைநிலை ஆசிரியர்கள் மாவட்டத்திற்குள் மாறுதலுக்கான கலந்தாய்வு 12-ந்தேதியும், மாவட்டம் விட்டு மாவட்டம் மாறுதலுக்கான கலந்தாய்வு 16-ந்தேதியும் நடைபெற உள்ளது. பட்டதாரி ஆசிரியர்கள் பணி நிரவலுக்கான கலந்தாய்வு 26-ந்தேதி முதல் 29-ந்தேதி வரை நடைபெற உள்ளது.