ஏர்டெல் நிறுவன அலைபேசி கட்டணம் திடீர் உயர்வு.

ஏர்டெல் நிறுவனத்தின், 'பிரீ பெய்டு' எனப்படும், முன்கூட்டியே பணம் செலுத்தி

சேவை பெறும் திட்டத்திற்கான கட்டணம் மற்றும் 'மொபைல் இன்டர்நெட்' கட்டணம் உயர்த்தப்பட்டு உள்ளது. ஏர்டெல் நிறுவனத்தின், 300 ரூபாய் மற்றும் அதற்கு அதிகமான, 'புல் டாக் டைம்' ரீசார்ஜ் சேவை தவிர, இதர பிரீ பெய்டு வாடிக்கையாளர்களுக்கு கட்டணத்தை உயர்த்தியுள்ளது. மேலும், '3ஜி' இணைய வசதி அளிக்கும் திட்டங்களின் கட்டணமும் உயர்த்தப்பட்டுள்ளது; சிலவற்றின் வேலிடிட்டி டைம் குறைக்கப்பட்டு உள்ளது. இதுகுறித்து, அந்நிறுவனத்தின் பெயர் குறிப்பிட விரும்பாத அதிகாரி ஒருவர் கூறுகையில், 'மத்திய அரசு, சேவை வரியை, 14 சதவீதத்திலிருந்து, 14.5 சதவீதமாக உயர்த்தியுள்ளது. எனவே கட்டண உயர்வு தவிர்க்க முடியாதது' என்றார்.