தமிழக அரசின் அதிகாரப்பூர்வ இணையதளங்கள் நேற்று 2வது நாளாக முடங்கியதாக பொதுமக்கள் புகார் கூறினர்.
தமிழக அரசு சார்பில்
வெளியிடப்படும் அரசு அறிவிப்புகள், டெண்டர், திட்டங்கள் உள்ளிட்ட பெரும்பாலான அரசு பணிகள் சமீப காலமாக இணையதளம் மூலமாக செயல்பட்டு வருகிறது.
தினசரி தமிழக அரசு அந்தந்த துறை சார்பில் இணையதளங்களில் தகவல்கள் பதிவு செய்யப்படும். இந்நிலையில் நேற்று முன்தினம் காலையில் திடீரென தமிழக அரசு இணையதளம் செயல்படவில்லை. இ-மெயில் முகவரி கொடுத்து உள்ளே சென்றாலும் பழைய மற்றும் புதிய தகவல் எதுவும் இல்லாமல் இருந்தது.
வெளிநாட்டு தீவிரவாதிகள் சதி காரணமாக இதுபோன்ற சம்பவம் நடைபெற்றதாக கூறப்பட்டது. பின்னர் இதுபற்றி தகவல் தெரியவந்து சரி செய்யும் முயற்சிகள் நடந்தது. ஆனால் நேற்று 2வது நாளாகவும் தமிழக அரசின் அதிகாரப்பூர்வ இணையதளங்கள் செயல்படவில்லை என்று பொதுமக்கள் புகார் கூறினர்.
இணையதளத்தில் பழைய தகவல்கள் இருந்தாலும், புதிய தகவல்கள் எதுவும் இல்லாமல் காலியாக இருந்தது. இதுபற்றி அதிகாரிகளிடம் கேட்டபோது, தொழில்நுட்ப ரீதியாக நடவடிக்கைகள் எடுக்கப்பட்டு வருகின்றன; பொறியாளர்கள் இது தொடர்பாக முயற்சியில் இறங்கி உள்ளனர்; இணைய தளங்கள் இன்று இயல்பு நிலைக்கு மாறிவிடும் என்று கூறினர்.
தங்களின் மேலான கருத்துகள் மற்றும் கல்வி சார்ந்த படைப்புகளை கீழ்கண்ட எங்களது மின் அஞ்சலுக்குஅனுப்பிவைக்குமாறு கேட்டுக்கொள்கிறோம் Email: kalvikkuyil@gmail.com
No comments:
Post a Comment
குறிப்பு:
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குயிலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விக்குயில்.