‘டெட்’ விண்ணப்பம் முதல் நாளில் ‘செம டல்’.

ஆசிரியர் தகுதித்தேர்வுக்கான விண்ணப்பம் வழங்கும் பணி நேற்று துவங்கியது; விண்ணப்பம் பெற, பட்டதாரிகள் ஆர்வம் காட்டவில்லை.

தமிழகத்தில் ஏப்., 29 மற்றும், 30ல், ஆசிரியர் தகுதித்தேர்வு நடக்கிறது. இதற்கான விண்ணப்பம் வழங்கும் பணி, மாவட்டத்தில் உள்ள, 28 மையங்களில், நேற்று துவங்கியது. 

ஒரு விண்ணப்பம், 50 ரூபாய்க்கு விற்கப்படுகிறது.முதல் நாளான நேற்று, விண்ணப்பம் வாங்க, பலரும் ஆர்வம் காட்டவில்லை. பட்டதாரி, இடைநிலை ஆசிரியர்கள், குறைந்த அளவிலேயே வந்திருந்தனர். நூற்றுக்கணக்கான விண்ணப்பங்களே விற்பனையானது.

கல்வித்துறை அதிகாரிகள் கூறுகையில், ‘விண்ணப்பம் திரும்ப வழங்க, 20 நாள் கால அவகாசம் இருப்பதால், முதல் நாளில் யாரும் ஆர்வம் காட்டவில்லை. அடுத்தடுத்த நாளில், விண்ணப்பம் பெறுவோரின் எண்ணிக்கை அதிகரிக்கும்,’ என்றனர்.