அரசு பள்ளி ஆசிரியர்களை கட்டாயப்படுத்த முடியாது!

                                        

அரசு பள்ளியில் பணிபுரியும் ஆசிரியர்கள் தங்களது குழந்தைகளை அரசு பள்ளிகளில் சேர்க்க உத்தரவிட வேண்டும்.

ஆசிரியர் சங்கங்களை தடை செய்ய வேண்டும் என சென்னை ஐகோர்ட்டில் பொது நல வழக்கு தொடரப்பட்டது.

உரிமை:

வழக்கில், தமிழக அரசு சார்பில் தாக்கல் செய்யப்பட்ட பதில் மனுவில்: தங்களது குழந்தைகளை அரசு பள்ளியில் சேர்க்க வேண்டும் என அரசு பள்ளி ஆசிரியர்களை கட்டாயபடுத்த முடியாது. இந்த விவகாரத்தில் ஐகோர்ட் எதிர்பார்ப்பு நியாயமானது. ஆசிரியர்களிடம் மனமாற்றம் ஏற்பட்டால், அவர்கள் தாங்களாகவே, குழந்தைகளை அரசு பள்ளியில் சேர்ப்பார்கள். 

அரசு பள்ளியில், தங்களது குழந்தைகளை அரசு பள்ளி ஆசிரியர்கள் சேர்க்க வேண்டும் என்ற கோரிக்கை நியாயமானது தான். பெற்றோர் என்ற முறையில் குழந்தைகளை எங்கு சேர்க்க வேண்டும் என்ற உரிமை அவர்களுக்கு உள்ளது. 

கட்டமைப்பு வசதிகளுக்காக பிள்ளைகளை தனியார் பள்ளியில் பெற்றோர்கள் சேர்க்கின்றனர். 2012- 13ல் 320 அரசு பள்ளியில் சோதனை முறையில் ஆங்கில வழி கல்வி துவங்கப்பட்டுள்ளது. பள்ளி ஆசிரியர் சங்கங்களுக்கு தடை விதிக்க முடியாது 

நடவடிக்கை:

கடந்த 4 ஆண்டில் உரிய நேரத்திற்கு வராத 910 ஆசிரியர்கள் மீது ஒழுங்கு நடவடிக்கை எடுக்கப்பட்டுள்ளது. பயோ மெட்ரிக் முறை பெரம்பலூர் பள்ளிகளில் அமல்படுத்தப்பட்டது. பள்ளி ஆசிரியர்களை கண்காணிக்க சிசிடிவி கேமரா அமைப்பது என்பது அரசுக்கு நிதிச்சுமையை ஏற்படுத்தும். இவ்வாறு அதில் கூறப்பட்டுள்ளது.