தனியார் ஐ.டி.ஐ.க்கள் நாளை இயங்காது: சங்கத்தின் அறிவிப்பு !!

தமிழ்நாடு தொழிற்பயிற்சி நிலையங்கள் மற்றும் தொழிற்பள்ளிகளின் சங்கத்தின் செயற்குழு உறுப்பினர்களால் ஒருமனதாக எடுக்கப் பட்ட முடிவின்படி, நாளை தனியார் ஐ.டி.ஐ.க்கள் இயங்காது என்று அறிவிக்கப்பட்டுள்ளது.

கடந்த 2012 மே மாதத்தில் விதி 110ன் கீழ் தமிழகத்தின் அனைத்து தனியார் தொழிற்பயிற்சி நிலையங்களில் கலந்தாய்வு முறை சேர்க்கை மூலம் 50% அரசு ஒதுக்கீடு இடங்களில் மாணவர்களை தொழிற்பயிற்சிக்கு சேர்க்கை செய்து அவர்களின் முழு பயிற்சி கட்டணத்தை அரசே ஏற்றுக் கொள்ளும் என்று அறிவித்து நடைமுறைப்படுத்தப் பட்டுள்ளது.

தமிழகத்தில் முடங்கிப் போகும் நிலையில் இருந்த தனியார் தொழிற்பயிற்சி நிலையங்கள் தற்போது புத்துயிர் பெற்று வருகின்றன. இதற்காக ஜெயலலிதாவுக்கு நன்றி சொல்லக் கடமைப் பட்டிருக்கிறோம். தற்போது அவருக்கு ஆதரவு தெரிவிக்கும் வகையில், அக்.7., நாளை அனைத்து தனியார் தொழிற்பயிற்சி நிலையங்கள் மற்றும் தொழிற்பள்ளிகள் இயங்காது என்று தெரிவித்துக் கொள்கிறோம் என்று கூறப்பட்டுள்ளது.