முக்கிய செய்தி: அரசு பள்ளிகள் இன்று இயங்கும்.

"மொகரம் பண்டிகைக்கு, நாளை அரசு விடுமுறை என்பதால், பள்ளிகள் இன்று

வழக்கம்போல் செயல்படும்' என, கல்வித்துறை அதிகாரிகள் தெரிவித்தனர். இம்மாதம், 21ல் ஆயுத பூஜை, 22ல் விஜயதசமி, 23ல் (இன்று) மொகரம் என, மூன்று நாட்கள் அரசு விடுமுறை, சனி மற்றும் ஞாயிறு வார விடுமுறை என, ஐந்து நாட்கள், விடுமுறை அறிவிக்கப்பட்டிருந்தது. இன்று கொண்டாட இருந்த மொகரம் பண்டிகை, நாளை மாற்றப்பட்டு, அரசு விடுமுறை அறிவிக்கப்பட்டுள்ளது. இன்று, மத்திய, மாநில அரசு அலுவலகங்கள் செயல்படும் என, தெரிவிக்கப்பட்டுள்ளது. இதனால், அரசு பள்ளிகளுக்கு அறிவிக்கப்பட்டிருந்த விடுமுறை ரத்து செய்யப்பட்டு, இன்று வழக்கம்போல் செயல்படும். கல்வித்துறை அதிகாரிகள் கூறுகையில், "தீபாவளி பண்டிகை வர உள்ளதால், தென்மாவட்டங்களை சேர்ந்த மக்கள் அதிகளவில் உள்ள திருப்பூரில், வெளியூர் செல்லும் மாணவர்கள் நலன் கருதி, ஒருநாள் முன்னதாக உள்ளூர் விடுமுறை அளிக்க வேண்டிய கட்டாயம் உள்ளது. எனவே, இன்று உள்ளூர் விடுமுறை அளித்து விட்டு, மீண்டும் ஒரு நாளில் வகுப்பு நடத்த இயலாது. அரசு அறிவித்தபடி,இன்று பள்ளிகள் செயல்படும்' என்றனர்.