ஆரம்பப்பள்ளி ஆசிரியர்கள் மூன்று கட்ட போராட்டம்.

தமிழ்நாடு ஆரம்பப்பள்ளி ஆசிரியர் கூட்டணி சார்பில், பல்வேறு

கோரிக்கைகளை வலியுறுத்தி மூன்று கட்ட போராட்டத்திற்கு அழைப்பு விடுத்துள்ளனர். தமிழ்நாடு ஆரம்பப்பள்ளி ஆசிரியர் கூட்டணியின் மாவட்ட செயற்குழு கூட்டம் நடந்தது. தலைவர் ராஜேந்திரன் தலைமை வகித்தார். செயலாளர் அமல்ராஜ் முன்னிலை வகித்தார். செயற்குழு உறுப்பினர் ஜோசப் எட்வர்டு ஜான் வரவேற்றார். கூட்டத்தில், பழைய பென்ஷன் திட்டத்தை நடைமுறைப்படுத்த வேண்டும். 6-வது ஊதியக்குழுவில் இடைநிலை ஆசிரியர்களுக்கான பாதிப்புகளை சரிசெய்ய வேண்டும் உள்ளிட்ட 15 அம்ச கோரிக்கைகளை வலியுறுத்தினர். இதற்காக, மாநிலம் தழுவிய தொடர் ஆர்ப்பாட்டத்தில் பங்கேற்பது என தீர்மானம் நிறைவேற்றப்பட்டது. நவ.4-ந் தேதி வட்டார தலைநகரங்களில் ஆர்ப்பாட்டம் நடத்துவது, நவ.20 -ந்தேதி மாவட்ட தலைநகர் திண்டுக்கல்லில் உண்ணாவிரதம் இருப்பது, டிச.28-ல் சென்னையில் 10 ஆயிரம் பேர் பங்கேற்கும் தொடர் முழக்க போராட்டம் நடத்துவது என, தீர்மானிக்கப்பட்டது.