அரசு தொடக்கப்பள்ளியில் ஆசிரியர் பற்றாக்குறை.

"மேட்டுப்பாளையம் அரசு தொடக்கப்பள்ளியில் 83 மாணவர்களுக்கு 2 ஆசிரியர்களே பணியில் உள்ளதால் கூடுதல் ஆசிரியர்களை நியமிக்க

வேண்டும் என பெற்றோர்கள், கல்வியாளர்கள் கோரிக்கை விடுத்துள்ளனர். ஸ்ரீபெரும்புதூர் ஒன்றியம் மேட்டுப்பாளையம் கிராமத்தில் அரசு ஆரம்பப் பள்ளி இயங்கி வருகிறது. இப்பள்ளியில் 83 மாணவர்கள் பயின்று வருகின்றனர். இந்நிலையில் இப்பள்ளியில் கடந்த சில மாதங்களுக்கு முன்பு வரை மூன்று ஆசிரியர்கள், ஒரு தலைமையாசிரியர் பணியில் இருந்துள்ளனர். 6 மாதங்களுக்கு முன் ஒரு ஆசிரியரும், கடந்த மாதம் ஒரு ஆசிரியரும் பணியிட மாற்றம் செய்யப்பட்டனர். தற்போது இப்பள்ளியில் ஒரு ஆசிரியர், ஒரு தலைமையாசிரியர் மட்டுமே பணியில் உள்ளனர். இவர்களே மாறி, மாறி பாடம் நடத்தும் நிலை ஏற்பட்டுள்ளது. மாணவர்களின் கல்வித்தரத்தை கருத்தில் கொண்டு, இப்பள்ளிக்கு கூடுதல் ஆசிரியர்களை நியமிக்க வேண்டும் என மாணவர்களின் பெற்றோர் கோரிக்கை விடுத்துள்ளனர். இதுகுறித்து பெற்றோர்-ஆசிரியர் கழக நிர்வாகிகள் கூறுகையில், இந்தப் பள்ளியை மாதிரி பள்ளியாக மாற்ற தனியார் பள்ளிகளில் கல்வி கற்று வந்த சுமார் 10-க்கும் மேற்பட்ட குழந்தைகளை பள்ளியில் சேர்த்துள்ளோம். தற்போது இரண்டு ஆசிரியர்களே பணியில் உள்ளதால் மாணவர்களின் கல்வித்திறன் கேள்விக்குறியாகி உள்ளது. எனவே, மேட்டுப்பாளையம் அரசுப் பள்ளிக்கு போதுமான ஆசிரியர்களை நியமிக்க மாவட்ட தொடக்கக் கல்வி அலுவலர் நடவடிக்கை எடுக்க வேண்டும் என்றனர்." - அரசு தொடக்கப்பள்ளியில் ஆசிரியர் பற்றாக்குறை http://tz.ucweb.com/11_10Adp